خبيزات صحيين لوجبات وليداتنا المدرسية
خبيزات صحيين لوجبات وليداتنا المدرسية
حبيباتي اليوم غتعطيكم خبيزات تيجيو هائلين نعمروهم بحشوات مختلفة على حسب رغبتكم ونعملوهم كوجبات للاطفال المدرسية او لوجبة العشاء
مقادير العجين 250غ الدقيق الابيض 250غ القمح الاصفر ملح وخميرة الخبز و معلقة كبيرة سكر سنيدة و40 غ زبدة بحرارة المطبخ
وحليب دافئ تقريبا من 300 حت 350ملل حسب نوعية الدقيق
تنعمل كل من الدقيق الابيض والاصفر الملح الخميرة السكر الزبدة ونزيد تديريجيا الحليب الدافئ نخدمهم مزيان فالعجان الكهربائي حت نحصلوا على عجين رطب ورخو
نعملوه فانية ونغطيوه ونخليوه حت يتضاعف الحجم
نقسموه قطع متساوية هنا خرج لي 10 خبيزات بالضبط ونعملوا منو كويرات
نبسطوه شوية بالدلاك ونطويوه الصور توضح
نعملوه فلاطة مدهونة بالزيت نغطيوه بمنديل ونخليوه للمرة التانية يخمر
ملي خمر دهنتوا باصفر البيض وشوية الحليب ورشيت الحبة السوداء
هنا وجدت الحشوة عبارة عن قطع الدجاج بصل مقطع رقيق فلفل اخضر تنعمل حت الاحمر مكانش متواجد عندي 2 طماطم منقية ومقطعة توم والربيع
التوابل ملح ابزار وعطرية الشورما وملعقة زبدة
شحرت الدجاج فالزبدة وشوية الابزار والملح حطيتوا على جنب
نفس المقلاة حمرت البصل
زدت الفلفل تم التوم محكوك
الطماطم والربيع والتوابل
وفي الاخير ملي طابت الحشوة زدت قطع الدجاج لي حمرت فالاول حركت مزيان وخليتهم غي دقيقة فوق النار
الخبز جاهز
الحشوة وزدت اوراق الخص مغسولة ومنشفة ومقطعة رقيق وعمرتهم وعملت فوق منو شوية من صلصة المايونيز والكتشب
بالصحة والعافية