سندويشات الفلافل روعة من مطبخي
سندويشات الفلافل روعة من مطبخي
اخواتي هد الطبق لبناني الاصل كنت غي تنسمع بيه ولكن ملي جربتوا عجبني بززاف خصوصا انه من ضمن مكوناتوا الحمص لي معروف بفوائده الصحية نتمنى تجربوه ويعجبكم
المقادير
نصف كيلو حمص مرقد ليلة كاملة فالماء ومستقطر مزيان بصيلة صغيرة مقطعة 3 دريسات توم شوية القزبر
ناخد الخلاط الكهربائي ونعمل البصل والحمص والتوم والقزبر ونطحنهم مزياااان
نزيد معلقة الملح والكمون والابزار
نخلط الكل مزيان ونعجنوا بيدي
نعمل كويرات بالملعقة
نعمل الزيت يسخن مزيان ونبدى نقلي فالفلافل
نوجد لاصوص
كاس زيت كاس حليب ملح ابزار دريس توم وشوية المعدنوس
تنعمل الحليب والتوم والملح والابزار ونضور الخلاط نخدمهم مزيااان من بعد نضيف الزيت تدريجيا والخلاط خدااام
حتى نحصل على لاصوص يااما خاترة او خفيفة المهم حسب الرغبة ملي توجد نزيد المعدنوس ونضور غي شوية تخدم
الماكينة وصااافي نحتافض بيها
نوجد الحشوة
شوية ليشو او مايسمى بالكرم مقطع رقيق مطيشة مقطعة رقيقة وبالطبع لاصوص لي وجدت من قبل والفلافل والخبز
العربي او البطبوووط ديالنا غي هو خصوا يكون رقيق بزززاف انا هنا استاعنت غي بالخبز العربي
نسرح الخبز نعمل شوية ليشو
نزيد مطيشة
تم الصلصة والفلافل
نطويهم ندخلهم لالة البانيني يتحمروا غي شوية