كيكتي الفازكة

كيكتي الفازكة
شهيوة اليوم عبارة عن كيك ساهل ماهل تيجي خفيف

المقادير

4 بيضات كاس عنبة معمرش زيت كاس سنيدة كاس الماء عادي بلا ميكون سخون 3 خمارات 3 معالق كبار كاكاو 2 كيسان عنبة طحين فورص 1 فاني

الطريقة

نطرب البيض وسنيدة والزيت والفاني مزيان

نزيد الكاكاو وكاس الماء

تم الدقيق تدريجيا والخمارات
ندهن المول بالزبدة ونرشوا بالطحين ونصب الخليط وندخلها للفرن طيب

مقاديرالكريما باش غنسقي الكيك

طرف كبير تاع الشكلاط فاني معلقة صغيرة نسكافي 2 معالق كبار سنيدة شوية الماء غي ربع كاس 2 دانون

صغار اي نكهة تفضلوها

نعمل الشكلاط الفاني السنيدة القهوة سريعة الدوبان والماء يغليو ويدوب كلشي
ملي نحسوا بيهم دابوا نزولوهم من فوق النار ونزيد دانون ونخلطهم مزيان

ملي نخرجوا الكيك من الفرن نتقبوها كاملة بالفورشيط ونخوي عليها الكريما بحال الا غنسقيها ونزوقها حسب الرغبة