تجربتي لمافن كيك

تجربتي لمافن كيك
تجربتي لمافن كيك

جربوها وتردوا علي النتيجة
اول حاجة نوجدوا الحشوة لي تتكون من فلفة صغيرة خضراء مقطعة مربعات صغار نصف فلفلة صفراء مقطعة نفس الشئ مربعات صغار
مطيشة وحدة منقية ومزولين ليها الزريعة ومقطعة مربعات حك طون مصفى من الزيت شوية الموزريلا مقطعة قطع صغيرة ابزار الزعيترة
2 معالق كبار مايونيز وشوية الزيتون اخضر مقطع دوائر

تنخلطوا جميع العناصر الا الزعيترة

دبا ندوزا للعجين 3 بيضات 200 غ دقيق خمارة نصف معلقة صغيرةملح كاس حليب عنبة معامرش نصف كاس زيت

تنطرب البيض والزيت والحليب والملح مزيان

تنزيد الدقيق والخمارة

ناخد المولات ندهنهم بالزبدةونرشهم بالطحين ونعمرنصف المول بالعجين

ونعمل الحشوة من الفوق ونرش بالزعتر

ندخلهم للفرن يكون ساخن من قبل ونخليهم يطيبوا على عافية مهيلة

تيجيو لدااد وخفاف

بالصحة والعافية