ألذ شلاظة مغربية كتحضرها الوليدة ديالي..جبت ليكم الطريقة والسر لي خيخليها كتجي لذيذة بزاف بزاف
المقادير:
فلفلة حمرة
فلفلة خضرة
فلفلة صفرة
4 حبات مطيشة
بصلة صغيرة
ذرة حسب الرغبة
زيتون اخضر مقطع بالشكل اللي بغيتي
زيتون اسود مقطع بالشكل اللي بغيتي
خل أو عصير الحامض من الاحسن انا ماكنش داك الشي علاش استعملت الخل
زيت الزيتون
ملح ، كامون، شوية البزار
الطريقة:
نشوي الفلافل على البوطة ونقيهم ونقطعهم مربعات
نقي مطيشة ونقطعها مربعات
نقي البصلة ونقطعها مربعات جد صغيرة
نعملهم في اناء ونضيف ليهم الزيتون اسود واخضر
الصلصة :
في صحن نعمل شوية الخل مع زيت الزيتون والملح والبزار والكامون نخل الكل ونحتافظ بيه في الثلاجة الى حين التقديم