سر ديالي لكندير فدجاج محمر كيجي غزال ليداقو كيبغي الطريقة والمداق شهوة منو
- المقادير :
- الدجاج حسب الأشخاص + 8 حبات بصل كبيرة+ ربيطة متوسطة معدنوس+1 راس كبير ثوم+ م ص سمن حار+م ص قرفة+ قرفة عواد+ م ص معمراش كامون+ م ص إبزار+م ص عامرة سكنجبير+ نصف م ص خرقوم+ 5 زعفرنات+ شوية زعفران شعرة أنا ماعملتوش+ م ص ملح+ 4 حبات قعقلة أو الهيل+ 4 حبات نويويرة+ كاس زيت بلدية وكاس زيت رومية+ ربع حامضة مصيرة كبيرة
- للتدغمير: الكبادي د الدجاج+زلافة زيتون اخضر مقطع+ حامضة مصيرة
للتزيين: التمر + عقدة اللوز + اللوز مقلي
- طريقة التحضير :
- طحنت المعدنوس والثوم وو 3 حبات بصل وضفتهم على الزيت والتوابل خلطت الشرمولة وشرملت بيها الدجاج وثقبتو مزيان باش يتشرب الشرمولة وطبعا دخلتها بين الجلد واللحم وفي كل الفراغات إدا كان عندنا الوقت كل ما خليناه مرقد يكون أحسن مثلا من الليل للصباح او من الصباح لليل الشرمولة كتساعد باش الدجاج يكون فتي وكيطيب أسرع ثم نعملوه يتشحر ، من بعد ضفت البصلة لي بقات كاااااملة وضفت 2 ليتر من الماء وغطيت الطنجرة
- ملي كان الدجاج كيطيب سلقت الزيتون وقشور الحامضة وحد عشرة دقايق هاد العملية كتقلل من الملوحة ديالهم
- وسلقت حتى الكبدة نفس الوقت باش كتحيد منها الزفورية ومنين كنقطعها كتبقا قابطة راسها ومكتفتتش بعد ما طاب الدجاج حيدتو من الطنجرة وخليتو ينشف ويبردوضفت الكبدة بعد ما قطعتها والحامض والزيتون للمرق وخليتو يختر ويعقاد قليت الدجاج في حمام زيت وضفت فالزيت م ص سمن حار كيعطي ريحة مزيونة فالدجاج ومكيجيش باين الطعم ديالو