طريقة تحضير كيكة بالجزر محكوك و دانيت رائعة و لذيذة
طريقة تحضير كيكة بالجزر محكوك و دانيت رائعة و لذيذة
المقادير:
- 4 البيضات
- 2 كيسان خيزو محكوك
- 2 كيسان سكر سنيدة
- 2 كيسان زيت
- دانيت
- 11 معلقة دقيق
- 2 معالق كاكاو
- 2 خمارات
مقادير الكريم:
- دانيت
- معلقة كاكاو
الطريقة :
نفصل أبيض البيض على الصفر نطربو حتى يولي بحال الثلج نخليه على جنب
نخلط باقي المقادير ماعدا الدقيق والكاكاو والخميرة نغربلهم ونخليهم هما لاخرين، ونزيد عليهم بياض البيض ونخلط بمعلقة ديال الخشب من فوق لتحت باش ميتهرسش بياض البيض وعاد نزيدو الدقيق والكاكاو والخميرة
نديرو ورق السولفريزي فالمول ونكبوا الخليط وندخلوه الفرن.
من بعد منخرجوه نكونو مخلطين دانيت مع الكاكاو وندهنو بيه وهو سخون والتزيين كيبقى حسب الذوق.
أنا زدت لداخل حتى قبيصة دلقرفة والكركاع مقطع طريفات حيت هاد 2 كيتماشاو مع الكاكاو.