كيكة بالتفاح والفواكه الجافة بالصور الموضحة

كيكة بالتفاح والفواكه الجافة بالصور الموضحة
مقادير كيكة بالتفاح والفواكه الجافة

4 بيضات
كاس سنيدة
كاس معامرش زيت (ممكن تخلطي زيت و زبدة)
دانون فاني
1/2 معلقة صغيرة سكنجبير
1/2 معلقة صغيرة قرفة
2 خمارات
تقريبا 2 كيسان و نصف دقيق المهم على حسب الخليط
زلافة من الفواكه الجافة مقطعين (مثل اللوز – كركاع – تمر) أو حسب المتوفر
بالنسبة للوز و الكركاع حمريهم شوية فوق المقلة

للتزيين

تفاحة كبيرة محكوكة (ممكن استعمال اجاصة )
لوز ايفلي
كيس من سكر فاني
شوية من سكر سنيدة

طريقة تحضير كيكة بالتفاح والفواكه الجافة بالصور

خلطي بالطراب البيض و السنيدة مع قريصة الملح ثم ضيفي الزيت ودانون

و الفواكه الجافة و الدقيق مخلط مع القرفة و سكنجبير و الخميرة

فرغي الخليط في القالب ثم ضيفي من الفوق التفاح المحكوك (التفاح ماتحكيه حتى تبغي تخلطي الكيكة)

ثم ضيفي اللوز ايفيلي و رشي عليه فاني و شوية سنيدة ممكن تستعملي اللوز مهرمش بقشورو تيجي معلك أو ممكن تخليها حتى طيب و دهنيها بالناباج أو كونفتير و ترشي السكر الصقيل المهم التزيين تيبقى على ذوقك

ملي طيب ذهنيها بالكونفتير وخليها حتى تبرد
ثم قدمي كيكة بالتفاح والفواكه الجافة
وبالصحة والراحة