عصير بمذاق الخوخ الراقي بدون خوخ سهل و رخيص الطبخ جزائري

عصير بمذاق الخوخ الراقي بدون خوخ سهل و رخيص الطبخ جزائري
عصير الخوخ الراقي بدون خوخ سهل و رخيص
عصير كيجي غزااااال وكايعطي كمية كبيرة كيجي فحال إلى مصايب بالخوخ تماما كنت سمعتو في الراديو هادي شي 4 سنوات ومن تما مبقاش كايخطاني لأنه غزال وسهل جدا وكايتقام بتكلفة رخيصة نبداو على بركة الله :

كانحتاجو لهاد لعصير: كيلو خيزو + نصف كيلو سكر سنيدة +نصف ملعقة كبيرة صودا (سنيدة لحامضة )+ملعقة كبيرة من روح الخوخ (كاتباع عند لعطار تمنها 7dh )+ماء.

وطريقة غادي توضحها :

أول حاجة كنقطعو خيزو مدور ونديروه في لكوكوت يتسلق في ليتر واحد من لماء 1litre

مني كايتصلق خيزوو نطفيو عليه نار ومباشرة نزيدو سكر وهو باقي فلكووكوت باش يدوب مع سخونيا ونبدا نحرك بملعقة خشبية حتى يدوب سكر.

نتسناو شوية حتى يبرد لخليط تم نطحنوه فمونيليكس ونصفيه بعدها نزيد عليه روح لخوخ وسنيدة لحامضة ونحرك مزيان

و أخيرا كانزيد 3 لتر ماء على لخليط كامل لأنه جد مركز وهكذا كانكون حصلت 4 لترات من عصير خوخ غزال ومنعش فحلا مصايب بلخوخ نيت ماشي بروح لخوخ ولي ذاقو عندي و الله ماكايخرج حتى يطلبني نكتبليه لمقادير كيجي رااااائع بشهادة كل من ذاقو