موقع اناقة مغربية وشهيوات و وصفات حلويات المغربية للمرأة المغربية الحادكة

كيك رولي ساهل بالفريز وشكلاط بالصور


كيك رولي ساهل بالفريز وشكلاط بالصور

المقادير
2بيضات
2معالق سنيدة
2معالق زيت
2معالق دقيق
معلقة كاكاو(ممكن الاستغناء علا كاكاو ونديروه غير بطيبة فاني نديرو 3معالق دقيق)
فاني
نص معلقة صغيرة خميرة حلوة
رشة ملح
الحشوة (اختيارية)
كريم باتيسيير فالاصل تتجي احسن بكريم شونتي هنا مكانتش عندي
قطع فريز
عصير 2 ليمونات لسقي الكيك اختياري ممكن سيرو ولا مونادا

لتزيين
3معالق كبار شكلاط ذائب
2معالق كبار ياغورت هنا درت تاع فريز حيت كيك فيه فريز
فريز مزين بخطوط الشكلاطة
كيك رولي ساهل بالفريز1

الطريقة
اولا نبداو ببيض نطربوه مزياان حتا يبدا يطلع ونبداو نزيدو فسنيدة بشوية معا تطراب عاد فاني ورشة ملح عاد نبداو نزيدو فزيت

كيك رولي ساهل بالفريز3
كيك رولي ساهل بالفريز5

كيك رولي ساهل بالفريز4

نغربلو دقيق معا كاكاو ونزيدوه علا خليط البيض علا 2 دفعات ونحركوه بالمهل من تحت لفوق غير بمعلقة
نكونو موجديين مول مغلف ببابي سيلفيريزي هنا ماكانش عندي غلفتو ببابي المنيوم لي مدهون ومرشوش بدقيق
كيك رولي ساهل بالفريز6
ونخويو الخليط ونحاولو نقادوه بمعلقة يكون غير طبقة رقييقة
كيك رولي ساهل بالفريز7
ندخلوه لفرن علا 180 درجة 10 دقائق مكاملاش مخاصوش ينشف بزاف باش ميتهرسش
وخير نخرجوه نكونو موجدين فوطة مطبخ نقلبوه فيها ونلويوه علا بعضو باش يشد لافورم ونخليوه يبرد
كيك رولي ساهل بالفريز2
فهاد الاثناء نوجدو الحشوة ديالنا بينما برد شوية
نحلو عليه ونسقيوه بعصير ليمون ونعمروه بكريم باتيسيير معا مراعات نخليو واحد سنتيم عند الحافة باش منين نلويوه متخرش لينا كريم ونرشوه بالفريز ونلويوه
كيك رولي ساهل بالفريز8
ندهنوه بشكلاط لي غلطنا معا ياغورت الفريز ونزوقوه بفريز وشكلاط لي خربقنا هه
ونخليوه يبرد شوية وهاهوا واجد ساهل وسرييع

كيك رولي ساهل بالفريز9

قد يعجبك ايضا
عرض التعليقات (1)