عصير التفاح و الڭرڭاع بالحليب
عصير التفاح و الڭرڭاع بالحليب
المقادير:
تفاح
ڭرڭاع
حليب نيدو غبرة ( لكل كاس 3 ملاعق كبيرة )
عريشات نعناع للتزيين
ماء بارد شبه مثلج
سكر حسب الذوق
عصير حامض (حامصة او نصف حامضة معصورة)
الكميات حسب عدد الاشخاص
بعد منغسلو التفاح كنقيوه و نقطعوه قطع صغيرة
و نعصرو عليه الحامض باش ميتئكسدش و يبقا محافظ على لونو
بعدها كنديروه فالطحانة
و نضيفو عليه الڭرڭاع مهرمش و الحليب الغبرة و السكر حسب الذوق
و نضيفو عليه نصف كمية الماء
و نطحنوه مزيان حتى يتجانسو كل المكوناتو نبقاو نزيدو الماء شوية بشوية
حتى يتكون لينا عصير كريمي و مهوي بالفقاعات
كيف كتلاحظو فالصورة
و قوام العصير خصو يكون ثقيل و كتيف نوعا ما
يعني ضيفو الماء غير بالقياس باش ميجيش مزرڭ و جاري
و كتقدموه مباشرة