جبت ليكم طريقة تحضير الزيتون الأسود المشرمل كيجي خطيييير جربيه

مقادير :

5 كلغ من الزيتون الأسود يغسل و يستقطر من الماء جيدا حتى ينشف (في شبكة) .
نضع الزيتون في اناء أو كسكاس ديال البلاستيك ، نأخذ مقدار 1 كلغ ونفرشوه في شبكة ثم مقدار 1 كأس عنبة من الملح و نرشوه وندخلوا فيه الملح مزيان ونضيفوا 1 كلغ اخر بنفس الطريقة بكأس الملح ونضيفوا 1 كلغ اخر ونعملوا نفس الطريقة حتى نكملوا الكمية ديال الزيتون.
نحركوه مزيان في الشبكة باش يدخل ليه الملح ونغطيه بمنديل نقي ونضع تحته بانيو باش يتسقطر ما يسمى بالمرجان و فوق الزيف نتقلوه بقر طة ديال العود أوحجرة ثقيلة أو بيدو فيه 5 لتر ماء ، نتركه 3 أيام ونحيدوا ليه المنديل و نرشوه ب 3 مع ملح و نقلبو فيه الزيتون ونغطيوه بالمنديل ومن بعد يومين نحلو عليه و نرشوا ب 3 مع ملح و الزعتر مطحون و نغطيه ، ونعيد العملية بعد 7 أيام ومن بعد 7 أيام كيتكمش.
يغسل الزيتون مزيان حتى نزولوا منه الملح تماما و ينشف ليلة كاملة و في الغد نعملوه في لاطة مفرشة فيها منديل نظيف و ندهنوه بالزيت البلدية و نخليه في الشمس من من يوم الى يومين على حسب .
نضع الزيتون في قرعة الزجاج و نضيف له الزيت البلدية و ورقة سيدنا موسى و ضرس ثوم و نحركوه مرة مرة .
بالصحة و الراحة.