مقروط بالتمر روعة بالصور
مقروط بالتمر روعة بالصور
وهادو هوما المقادير :
العجين:
كيلو الا ربع سميدة (انا استعملت نصف كيلو غليظة و رابعة رقيقة)
كاس كبير شوية زبدة
نصف كاس زيت
شوية الملح
نصف ملعقة صغيرة قرفة
الحشوة:
نصف كيلو تمر منقي و مغسول و مفور و يمكن تستعملو هاداك المعجن لي كيتباع واجد
ملعقة كبيرة زبدة
ملعقة كبيرو ماء الزهر
ملعقة صغيرة قرفة
شوية جنجلان حسب الرغبة انا غير زدتو ولكن كايجي زوين
الطريقة:
نبسبسو السميدة بالليل بالزبدة و الزيت و شوية الملح و القرفة ونخليوها تبات ليلة كاملة الغد تزيدو الماء فيه شوية ديال زعفران باش يعطي لون زوين
صافي و نحربلو التمر و نديروه وسط حريبلات ديال السميدة الطريقة راها معروفة
وندخلوه يطيب في الفرن انا طيبتو في الفرن في الصراحة كيجي احسن من المقلي بكثييير و ما كيشرب لا زيت لا والو يكفي انك دهني الطاوة بشوية الزيت صااافي
ونخرجوه ونخليوه يبرد شووووية عاد نديروه في العسل باش ما يتفرتتش
و ها هو المقروط ديالنا واااااجد