بريوش باللبن هش ولذيذ بالصور الموضحة
بريوش باللبن هش ولذيذ بالصور الموضحة
مقادير معجنات رمضانية : بريوش باللبن هش ولذيذ
كأس كبير حليب (250 سل)
كأس كبير لبن (250سل)
2 بيضات
4 معالق سنيدة
2 معالق خميرة
4 معالق زيت
ملح
فاني
خمارة
دقيق حسب الخليط
(للاشارة هنا استعملنا نصف المقادير)
للتزيين
كريم باتسيير زبدة وقطع الشكلاط
طريقة تحضير معجنات رمضانية : بريوش باللبن هش ولذيذ
تندفيو الحليب واللبن ونخلطوهم مع السنيدة والخميرة و3 معالق دقيق ونخليوهم مدة 10 دقائق حتى يطلعو
من بعد نضيفو البيض لي نكونو خلطناه مع الفاني والزيت والدقيق بالتدرييج
حتى نحصلو على عجينة متماسكة ومرخووفة نغطيوها مدة 15 دقيقة عاد نقسموها ل 3 الكرات
نسرحو كل كرة على شكل دائرة بالدلاك
ندهنو الدائرة الاول بالزبدة لي تكون رخوة ونحطو عليها الدائرة الثانية وندهنوها حتى هي بالزبدة عاد نغطيوها بالدائرة الثالثة
من بعد نحاولو نسرحوها على شكل مستطيل وندهنوها بالكريم باتيسيير ونرشوها بقطع الشكلاط
ونلويوها على نفسها
ونبداو نقطعو فيها بالموس دوائر بحال شنييك
ونستفوهم في مول يكون مدهون مزيااان بالزبدة ومنزيروش بيناتهم باش يلقاو فين يخمرو
بعدما خمرو تندهنوهم بالبيض وشوية الخل ونيسكافي