طريقة تحضير طورطة باردة بالجزر روعة
طريقة تحضير طورطة باردة بالجزر روعة
المقادير:
- كيلو الا ربع جزر
- 2 فلان ديال درهم
- 2 اكياس فانيلا
- 1/2 لتر حليب
- سكر حسب الذوق
- 6 ديال بيسكوي صابلي ديال درهم
- شكلاط للتزيين
طريقة التحضير:
كتقشري الجزر و تصلقيه ملي يتصلق كتعمليه في مولينكس و تزيدي عليه الحليب + اكياس فانيلا و سكر و تخلطي مزيان مزيان
كتهزي الخليط ديالك كتعمليه فشي كسرول و تديريه فوق العافية مهيلة و تزيدي عليه 2 ديال الفلان و انتي كتحركي واحد 10 دقائق
وجدي من قبل القالب ديالك و يكون مستف فيه البسكوي باش ميبردش لينا الخليط ديال الفلون و يخسر ملي تحيدي الخليط فوق العافية كتخويه على طبقة ديال البسكوي و كتعاود تستفي طبقة خرى من البسكوي و عاود خوي عليه طبقة ديال الجزر و زوقي بالشكلاط ، حكيه بالحكاكة الغليظة من التحت للفوق و ديريها في الثلاجة 3 ساعات كتجي هائلة جربوها و ردو عليا الخبار
و بالصحة و الراحة.
