طبق الدجاج بالسفرجل
طبق الدجاج بالسفرجل
اليوم جيت و جبت معايا واحد الطبق الدجاج بالسفرجل جا غزال و بنين بزاف المهم ندخل فالمعقوول أنا درت غي نص دجاجة و درت لها العطرية ديالها الثوم + ليبزار + خرقوم بلدي + سكين جبير + شوية د القرفة + شوية د عرق سوس غبرة + ضامة د كنور ثوم + الملح شوية و لا بلاش حيث الضامة د الثوم مالحة و شحرت الكل و زدت عليه البصلة و القزبور و المعدنوس و شوية د زيت العود
خليت كولشي حتى طاب و تشحر وهو كايطيب نقيت السفرجل و درتو يطيب مع القرفة شي معلقة صغيرة ونص + الملح + الخرقوم بلدي غي طريطيقة + شوية د ليبزار + شوية د الما زهر + شوية د عرق سوس غبرة كايجي لذيذ مع هادشي لي معسل ودوك العظيمات ديال السفرجل جمعتهم فشي طيف د الفاصمة نقي و درتو في وسط السفرجل و زدت الما الكافي وخليتو يطيب ملي قرب يطيب زدتو السكر شي 4 معالق كبار و خليتو حتى تعسل
زوقتو بالجلجلان جا غزال