سفة الكسكس بمنظر مختلف
سفة الكسكس بمنظر مختلف
السلام عليكم و رحمة الله و بركاته
مقادير السفة بالكسكس
سميدة غليظة كل واحد وقياسو
زيت
زبدة
حليب
زبيب مغسول ومرطب في ماء الزهر واحد الساعة
لتزيين سفة الكسكس
بيض مسلوق
مرقوق ومشماش معسلين
رقايق لوز
تمر
سكر كلاصي
طريقة تحضير سفة الكسكس
ندهنو السميدة بالزيت ونبسوها مزيان حتى يتوزع فيها كاملة
متيتفتلش غير رشة او زوج بالماء وصافي ويفور هادي هي الميزة لي فيه باش تيجي رقيق بحال سكسو ترية الرقيق
ونصبو الكسكاس في بانيو فيه الماء بارد عادي خاص سكسو يتغطى كامل بالماء ونحلوه في هداك الماء ونبداو ناخدو بالحفنة ونعصرو مزيااااااااان على اخر جهد متخافوش راه ميتعجن ولا والو
المهم يتعصر بين اليدين مزيان ونزلو في القصعة حتى نسليو
ورشوه بالملح ونخليوه واحد 10د يرتاح وندهنوه بالزيت ويرجع يفور عادي
ونعاودوه بقليل حليب وندهنوه مرة اخرى بقليل زيت ونعملو في قاع الكسكاس الزبيب لي رطبنا من قبل ونزلو فوق منو الكسكس ونخليوه يفور
نحلو بالزبدة من الاحسن زبدة بلدية
وحليو على حساب الدوق بالسكر كلاصي او بالحليب مركز محلى