موقع اناقة مغربية وشهيوات و وصفات حلويات المغربية للمرأة المغربية الحادكة

بسيطلات الدجاج


بسيطلات الدجاج
المقادير :
ورقة البسطيلة
دجاجة من وزن 1.5 أو 2 كيلو
علبه صغيرة شومبينيون (نغسلوه مزيان)
2 بصلات كبار مشلضة رقيقة
2 ضروس ثوم مدقوقة +3 ضروس صحيحة
2 خيزوات كبار محكوك
فلفلة حمرا مقطعة
كيس شعريه صينيه
100 موزريلا
صبيعات السوريمي
سوريمي بنكهة الكروفيت
شوربة السمك هي سر النكهة
معلقة كبيرة مطيشة الحك
الهريسة
وريقات سيدنا موسى
عود القرفة
القرنفل
حبات الهيل
كنور بنكهة الحوت
التوابل : ملح -ابزار ابيض-تحميرة
زيت الزيتون
معدنوس مقطع
الحامض +عصير حامض
زيتون اخضر مقطع
كاشير حار محكوك
مورتديلا بنكهة الفلفه محكوكة

ملاحظة : بالنسبة للتوابل نديرو عينا ميزانا وضروري ندوقو لا يجي حار ولا مالح

ناخذ نصف كنورة +عصير حامض +زيت الزيتون+توابل ونشرمل به الدجاج على الاقل ساعة

من بعد نسلقوه فما فيه عود القرفة+قرنفل+عويدات المعدنوس+حامض مصير +توابل+ضروس ثوم صحيحة+وريقات سيدنا موسى+حبات الهيل
ونحتفظ بمرق الدجاج لي غادي نطلقو فيه من بعد شعرية صينية

ملي يطيب نفتتوه ونحتفظ بيه

نشحر البصلة والثومة مدقوقة فشوية زيت الزيتون والملح
حتى تنشف و نحتفظ بها
نشحرخيزو فشوية زيت زيتون والملح ونفس الطريقة للفلفلة الحمرا و نحتفظ بهم

نشحر الشومبينون + المعدنوس فشوية زيت زيتون والملح
و نحتفظ به

نقطع صبيعات السوريمي

و سوريمي الكروفيت

ونشحرهم شوية فزيت الزيتون والهريسة

مانقطعو هادشي حتا نبغيو نخلطو كلشي وحتا بالنسبة للكاشير متحكوه حتا تبغيو تخلطو

كنغربل شوربة السمك ونحتفظ بالبودرة

نطلق الشعرية الصينية فالما ديال الدجاج غليان و نقطعها بالمقص

ناخذ 2معالق من البودرة+ زيت زيتون + الهريسه+معدنوس+توابل

ونشرمل بها البصلة+الفلفة +الخيزو+ الشعرية +الشومبينون ونخلط مزيان

ناخذ 2معالق من البودرة+ زيت زيتون + الهريسه+معدنوس+توابل+مطيشة الحك
ونشحرهم غير شوية ونشرمل بها الدجاج مزيان ونزيدوه على خليط الشعرية
نضيف الموزريلا+السوريمي+الزيتون +الكاشير ومورتديلا

ونخلط مزيان

كنسرحو ورقة البسطيلة وندهنوها بخليط الزبدة والزيت

فالوسط كنعملو واحد الاطار صغير بهاد المقياس انا عندي هادا لي مشنف من جناب

كنعمروه بالحشوة ونظغطو شوية

ممكن تعملي شوية الفرماج مالفوق كيبقى اختياري

كنحيدو الاطار

نجمعوها بحال كموسة

ونلويو
نطلقوها

نقادوها ونجمعو جناب التحت

ندهنوها شوية وندخلوهم يطيبو
انا كنطيبهم نصف طيبة ونحتفظ بهم فالفريكو حتا كنحتاجهم نجبدهم
ونكملهم فالطياب تيجيو فنين بحال يلاه طيبتبهم
وبالصحة والراحة

قد يعجبك ايضا
عرض التعليقات (4)