كعب الغزال

كعب الغزال
كيلو لوز
نصف كيلو سنيدة
مسكة حرة
معلقة عسل او كونفتير او نباج
ما زهر
2 معالق زبدة مدوبة

الطريقة بالصور
كنديرو اللوز في الما يكون سخون غير يبدا يغلي نحيدوه من العافية
كنفسخوه ونخليوه ينشف وكناكد على انه خاصو ينشف مزيان من الما باش تنجح ليكم العقدة

كنطحنو المرة الاولى بوحدو وكنزيد عليه سنيدة وكنعاود نطحنو المرة التانية مع سنيدة

ومني نطحنو كزيد معاه العسل والسكة حرة مدقوقة مع سكر وما زهر تقريبا 3 معالق والزبدة ونخلطو وها العقدة واجدة

ندوزو للعجينة وهادي هي المعتمدة عندي لجميع الحلويات

المقادير
نصف كيلو دقيق الفورص
125 غرام زبدة انا كندير نصف ماركرين ممكن ديرو الزبدة العادية ديال العبار
معلقة كبيرة سنيدة او سكر كلاصي
شوية الملح
وما زهر باش تجمع العجينة

ندوبو الزبدة ونعجنو الكل بالما زهر ما تكونش العجينة رطبة وتدلك مزياان ونقسمها ونديرها في بلاستيكة ونخليها ترتاح كلما رتاحت كتساعد في الخدمة

ناخدو العجين وندوزها في الماكينة باش تاعدني ولا تورقيها بالمدلك رقيقة بزاف وندير اللوز حرابل متوسطة
نرد العجينة على اللوز
تم نعطيها شكل كعب غزال
ونبداو نقشوها بالمنقاش الخاص بالحلويات