مقادير وطريقة صنع الفقاص
مقادير وطريقة صنع الفقاص
موقع لالة مولاتي.نت يقدم طريقة عمل حلوة الفقاص المغربية
مقادير حلوة لفقاص المغربية
رابعة جنجلان محمر+ ملعقة كبيرة نافع مصهض شوي (عنداكم تحرقوه )
رابعة لوز مغسول مزيان و نرقدوه في رابعة حليب ماشي بزاف الوقت اللي نوجدو باقي المقادير و نستعملوه
رابعة زيت
1/2 كيلو سنيدة
4 بيضات مطربين نخليو منهم شويييي للدهن
1 خمارة و نصف + مليحة
و أخيرا الدقيق هي و ما رفدت العجينة ما قاصحة ما خفيفة
طريقة عمل الفقاص
نخلطو جميع المقادير و نضيفو الطحين
نقسمو العجين على 5 كويرات و نحربلوهم و ندهنوهم بالبيض و ندخلوهم الفرن على عافية مهيلة حتى يتنفخ و ينشف نعرفوه بلي طاب نهبطوه لتحت شوي و نخرجوه نخرجوه و نوضعو الحرابل في بلاستيك و نغطيوه بمنيدل و نخليوه حتى للغد
و نقطعوه بسكين ماضي و نحمروه في الفرن
و بالصحة و الراحة
اترك تعليقا