موقع اناقة مغربية وشهيوات و وصفات حلويات المغربية للمرأة المغربية الحادكة

جديد !! تحضير شلاظة بالكريب بشكل جديد


جديد !! تحضير شلاظة بالكريب بشكل جديد
مقادير الكريب :
2بيضات
نصف لتر حليب
ملح
كاس عنبة طحين
عبار الطحين فهو تقدبري فقط . يمكن تعملو عينكم ميزانكم .. حيت الخليط خاصو يجي جاري ولكن كتحسو بالختورية منين كتكونو كتكبوه في المقلة
الطريقة
كتخلطو جميع المقادير في خلاط كهربائي . و كطيبو لكريب في مقلة طيفال . و تخليوه على جنب
مقادير السلطة:
خيزو محكوك في حكاكة رقيقة
مطيشة مقطعة قطع صغيرة
خس مقطع قطع صغيرة
فرماج أحمر محكوك
طون معلب
مايونيز
الطريقة:

في طبسيل كتفرشي تفريشة ديال لكريب .. و كدهني بالمايونيز . و كتعملي الخس . ثم تعملي وحدة ديال لكريب و دهنيها بالمايونيز ثم تعملي خيزو …… و تستمري على هاد النحو فحال طريقة بسطيلة في كل طبقة كتعملي حاجة من المكونات ديال السلطة .. في الطبقتين الأخيرتين . كتكون طبقة ديال الطون و طبقة ديال الفرماج .. في الأخير كتسدي السلطة و تجمعيها بحال بسطيلة . و كتقلبيها على وجهها و تقدميها في طبق التقديم .. و بصحتك . هي كتجي لديدة و خفيفة

1

3

4

قد يعجبك ايضا
اترك تعليقا