زيت عجيب لتطويل و ترطيب الشعر

زيت عجيب:

راكم عارفين فوائد الحرمل ، كيطوول بشكل سريع و كيرطب و كيقوي و كيعطي لون غزآل لشعر ، ماشي ساهل حاجة وحدة دير هاد لمفعول كامل و رخيصة

تجربتي :

انشاء الله غادي نزيد نحط ليكوم وصفة بلحرمل نيت لي صدماتني صارحة ملي درتها مهم هاد زيت رد لي شعري كايحمققق بزاف مهم سمحو لي طولت عليكوم

كيفية صنع زيت :

-غادي تحمرو 3 دراهم ديال لحرمل غي شوية ماشي حتا يتحرق ، غادي طحنوه و غربلوه حتا يولي غبرة
-سخنو مقدار زيت لبلدية لي تقدو عليه غي سخنوه ماشي حتا يغلا غي شوية
-و خلطو لحرمل مطحون مع داك زيـــت فقرعة و سدو عليه و حطوه ف بلاصة مظلمة بعد سيمنة ستعملوه
طريقة الاستعمال :

ملي تبغي تمشي لحمام فليل شقي راسك بهاد تخت ملي يكون مازال ماتخلط

من بعد خلطوه مزيان و دهنو شعر كولو
وداك زيت لفوقاني دهنو بيه شعر واخا يكون مغسول

يالله بصحة و ماتنساوش دعيو معاي