النوكاتين الساهلة

النوكاتين الساهلة
سنحتاج ل
200 غ سكر
20 غ كليكوز
تقدرو تستغناو عليه ولكن للمبتدئات ننصحكم به لانو كيساعد باش النوكا نخدمو بيها بسهولة
150 غ لوز افيلي او مهرمش محمر
نعمل كاسرونة او مقلة على نار مهيلة ندير السكر و الكليكوز و نبدا نحرك فالسكر حتى يبدا يتغير اللون و يصبح كرامل
نطفي البوطا لانو غادي يتحرق بسرعة
منين كيصبح فلون الكارامل كنطفي البوطا
و عملت عليه اللوز المحمر و بديت كنخلط
كنحضر 2 ورقات ديال البابي سلفيريزي و ندهنهم بالزيت
و كذلك الدلك ندهنو بالزيت
كنعمل النوكاتين ديالي على السلفريزي و نبد ندلك
الا حسينا بيها كتقصاح ندخلوها لفرن دقيقة او 2 منفورهمش باش ماتحرقش ونعاود ندلك
كنشكل منها اشكال لي بغيت
و ان شاء الله نزل اشكال اخرى قريبا بحول الله
ها الشكال لي وجدت و لي بقا من النوكاتين يمكن ليكم تحتفضو به فعلبة ديال البلاستيك و منين نبغيه مرة اخرى نسخنو فالفران و نعاود نشكلو كيما بغيت.