لشو بمقادير وطريقة مضمونة

لشو بمقادير وطريقة مضمونة
السلام عليكم ورحمة الله تعالى وبركاته
المقادير
1/4 ماء
80غ الزبدة
20غ سكر
125غ الدقيق الفورص
ملح،فاني
من 3حتى 4البيضات
أصفر بيضة ممزوجة مع قليل من الحليب للدهن
الطريقة
كندوبوا الزبدة والسكر والفاني والملح مع الماء فوق نار هادئة حتى الغليان

وخارج النار نضيف الدقيق مرة واحدة مع الخلط بملعقة خشبية
وانرجعوها فوق النار مع التحريك حتى تنشف وما تبقاش تلسق على اجناب الطنجرة

ثم نضيف بيضة مع الخلط بالضراب والبيضة الثانية بنفس الطريقة حتى الإنتهاء

كمية البيض كتختلف حسب الحجم إلا كانو كبار كانحتاجو3ولا كانو اصغار كانحتاجو 4البيضات
دائما البيضة الأخيرة انضربوها بالفريشط وانضيف شوية بشوية المهم باش انعرفو العجينة وجدات
خاصنا انهزوا العجين بملعقة وانوقفوها من اطيح منها العجين خاصنا انحصلو على شكل فم العصفور واتبقى قابطة بالملعقة هذا هو سر باش تنجح لينا لاباط

كانحشيوالخليط في الجيب الحلواني وكنرصيوه في لاطة الفرن وكندهنو بأصفر البيض

كندخلوها الفرن مسخن بحرارة 200درجة وانقصو إلى 180درجة
بعد الطهي

هادو محشيين بالكريم شنتيي

وهادو بالكريم باتيسيير وردي مضاف إليه اللون الأحمر

وحتى هادو اديال انهار آخر بنفس المقادير والطريقة لكن بحجم أكبر

وبالصحة والراحة