طارطة مالحة بالكفتة

طارطة مالحة بالكفتة
المقادير :

العجين المورق + كفتة + 2 بصيلات مشلضين + فلفل ألوان + شمبنيون + صلصة الطماطم + زيت بلدية + ملح +

سكنجبير + إبزار

كنعمل البصلة هي اللولة فالمقلة حتى تدبال نزيد الإبزار وسكنجبير والملح نزيد الكفتة نفتتها كلها

منين تطيب نزيد عليها تقريبا 4 م ك صلصة الطماطم
كنخليها وحد 5 دقايق ونطفي عليها

كنطلق العجينة ونقطعها قد الصحن لي غادي نطيبها فيه ونجرح العجين باش نعمل دايرة ولكن بلا منوصل لتحت

كنتقب الدائرة لي لداخل ولي جرحتها كنخليها باش ترتفع عمرت العجين بالكفتة وزدت الفلفل ألوان مقطع مكعبات صغيرة

عملت شرائط طويلة من العجين وزينت بيها كيف واضح فالصورة

كنقطع الزيادات ونعمل ضفيرة بثلاث شرائط من العجين

دهنت بشوية دالماء وثبت الضفيرة غير بشوية دهنتها بكريم فريش وممكن تتدهن بأصفر البيض أو الحليب حسب لختيار

زينت وسط المربعات بالشانبنيون ودخلتها للفران

وهاهي واجدة بالصحة والراحة