مسمن بالتفاح كيجي غزال و لذيذ
مسمن بالتفاح كيجي غزال و لذيذ
المقادير :
500 غ دقيق بيضة 2 معالق زبدة 2 معالق سنيدة ملح معلقة خميرة معجونة ماء دافي
للتزيين :
3تفاحات مقطعين دواور و معسلين في معلقة الزبدة 2 معالق سنيدة راس معلقة قرفة +الجبن جبلي +كونفتير المشماش + سكر كلاصي
الطريقة :
نخلط المواد كلها و ندلكها مزيان و نخليها ترتاح و نقطعها كويرات و نخليها ترتاح مرة اخرى و نسرح كل كرة و نذهنها بالزيت و الزبدة و نشكلها على مسمنة مربعة و نوضع فوقها معلقة ديال الجبن ثم داءرة التفاح و نخشي اطراف المسمنة في ثقب داءرة التفاح و نعمرو بالكوفيتير كما تبين الصور و بالصحة و الراحة
