كيكة التفاح بالكراميل

كيكة التفاح بالكراميل
المقادير
مقادير الكيكة
3 بليضات
6 ملاعق كبار ديال الزيت
6 ملاعق كبار ديال السكر
6 ملاعق كبار ديال الدقيق
1 دانون فاني
2 خميرات الزا
قبصة ديال الملح

مقادير الكراميل
3 ملاعق كبار ديال السكر
2 تفاحات للتزيين

الطريقة
كنضربو البيض و السكر و الزيت ودانون مزيان من بعد كنزيدو الدقيق و الخميرة بالتدريج

قنطعو التفاح شرائح

كنديرو 2 ملاعق د السكر فشي مقيلة تكون تقيلة باش نصنعو الكراميل انا استعملت الطوجينة او كيف ما يقولو ليها الفراح … و هي نفسها لي طيبت فيها الكيكة…المهم كنخليو داك السكر يطيب على نار متوسطة مع التحريك بملعقة خشبية حتى كيدوب داك السكرو يرجع كراميل

كنشدو الطويجينة و كندوروها بطريقة دائرية باش يتوزع داك الكراميل كلو على جوانبها ثم كنوضعو شرائح التفاح عليها وكنصبو عليها خليط الكيكة و كندخلوها للفران