طارط التفاح الاخضر

طارط التفاح الاخضر
السلام عليكم و رحمة الله و بركاته

هاني جيت تاني اش غديرو ولفت عليكم و مسخيتش نخبي عليكم لي كنعرف

هادي طارط درتها في الزلايف الصغار و لكن راه تيدخلو للفران عنداكي ديريها في الزلايف لحريرة يطرطقو و دعي عليا هههههههههههههههه

هادو لي عندي دلبايركس

ندخلو للمعقول هاهوما التصاور و راهم غنيين على الشرح

اولا نبداو بالحشوة

تفاح اخضر المقدار لي بغيتي

و السكر المقدار اللي بغيتي

انا درت 3 تفاحات
كوب سكر
40 غرام زبدة
2 ملاعق قرف

جهزنا الحشوة و نخلوها نبرد
و نجهزو العجين

150 غرام زبدة
2 بيض
300 غرام دقيق
فاني
قرصية ملح
كوب سكر

بالصحة و الراحة

ملاحضة
ملي تخلطو المقادير و تحيدوها من محضرة الطعام متعجنوهاش غير جمعوها وخا تبان ليكم مفرتتة راه باش تجي هشيشة راه هادا علاش مسميينها المكسرة

خليوها ترتاح في التلاجة وخا غير ربع ساعة

يلاه نتمنى تعجبكم