بلاطو مشكل حلويات غريبة باللوز بالصور

حلويات غريبة halawiyat
موضوع الاخت امة الله
المقادير

500غ اللوز مسلوق ومطحون
200غ سنيدة
3 صفار البيض + 1 بيضة كاملة (مع الاحتفاظ بأبيض البيض)
معلقة كبيرة زبدة مدوبة
معلقة صغيرة خميرة الحلوى
2معالق كبار قشور الحامض محكوك رقيق
قبصة مسكة الحرة
للتزيين :

سكر كلاصي سبيسيال + اللوز ايفيلي + فواكة معسلة

ناخدو اللوز نعاودو نطحنوه مع السنيدة مزيان
كنضرب بالخلاط اليدوي البيض ونزيدو على اللوز ونضيف باقي المقادير

انا قسمتها على 3

وحدة عملت منها كويرات دهنت يدي بما الزهر وفندتها فالسكر كلاصي

والتانية زدت عليها الكاكاو وحتا هي فندتها فالسكر كلاصي

تشعلي عليها غير من الفوق حتا تشقق وعاد شوية من التحت
دغيا كطيب تقريبا 12 أو 15 دقيقة حسب الفرن

والثالثة زدت عليها فواكه معسلة مقطعة طريفات صغار
عملت منها كويرات غطستهم فابيض البيض لي بقا ودوزتهم فاللوز ايفيلي
ودخليها طيب ودهنيها ملي طيب
وبالصحة والراحة