موقع اناقة مغربية وشهيوات و وصفات حلويات المغربية للمرأة المغربية الحادكة

طورطة بالكريم


طورطة بالكريم
لمقادير الجنواز
7 بيضات
180 غ سكر صقيل
كأس صغير زبدة مذوبة
2 أكياس ڤاني
4 أكياس الخميرة
180 غ الدقيق (نقصت منو 3 معالق كبار وعوضتهوم بالكاكاو )..

الطريقة

كنعزل أبيض البيض عن الأصفر ،كنضرب الأبيض جيدا بالطراب
الكهربائي مع قبصة ملح و نخليه جانبا..
ناخذ أصفر البيض نضيف ليه السكر و الڤاني و نضربهم بالطراب الكهربائي مزيان حتى يبياض الخليط ، نضيف الزبدة ونستمر فالخلط حتى يتجانسو مزيان، نخلط الدقيق و الكاكاو و الخميرة مع بعض ونبدا نضيفهم بشوية بشوية على أصفر البيض وأنا كنخلط بملعقة خشبية ،فالأخير كنضيف أبيض البيض المخفوق وأنا كنخلط بالمهل وفي اتجاه واحد ..نصب الخليط فقالب مدهون بالزبدة ومرشوش بالدقيق وندخلها للفرن..ملي طابت وبردات أنا عن نفسي دخلتها للثلاجة حتى الغد ليه عاد باش زينتها…خديت كريم فريش طربتها مع السكر الصقيل ونسمتها بنسكافيه مذوبة فشويش د الحليب ..
قسمت الحلوى إلى 3 أجزاء ،كل جزء سقيتو بسيرو منسم بنسكافيه ودرت ليها الكريم ، فالأخير غطيت الحلوى كلها بالكريم وزينت الجوانب بشكلاط فيرميسيل و من الفوق بالفواكه لي كانت متوفرة…

قد يعجبك ايضا
عرض التعليقات (9)