وصفة بالخطوات طبيعية مجربة لازالة النقط السوداء من الانف

تحضير حمام البخار غادي نحتاجوا فيه :

كمية من النعناع بسيقانه

شوية البابونج

نصف حامضة مقطعة طريفات

تغلي الماء مزيان بحال بغيتي تعملي اتاي وتعملي الكل في شي بانيو صغير

و تكبي عليه الماء

وتغطي راسك بفوطة وتخلي هاذ البخار يعمل الفوائد ديالو على البشرة حتى يبرد على خاطرو والمدة راه تقريبا 10 دقايق كافية باش تفتح المسام وتشبعي بفوائد البخار الصحي

من بعد تنشفي وجهك وتاخذي مراية تكون تتبين كبير وتاخذي كلينكس بين اصابعك وتبداي تخرجي في الفوسفاط راه غادي يكون ساهل باش يخرجوا، وتنصح باش يعمل لك هاذ العملية شي حد باش تكوني مستلقية و تساهل عليك العملية واي حبيبة صغيرة في الوجه كله تبان لها وتزولها لك ومن بعد مسحي بالماء ورد
وصفة طبيعية مجربة لازالة النقط السوداء من الانف

وحضري القناع التالي :

بياض بيضة طربيه مزيان وضيفي لو معلقة الطحين الفورص خلطيهم مزيان حتى يولي بحال العجينة وطلي به وجهك وركزي على الانف وخليه حتى ييبس على وجهك كله وزوليه بعناية وتشوفي وجهك نقي بزآآآآاف وصافي ومجبد لان هاذ القناع بعد الحمام تيجبد الوجه ويحارب التجاعيد وخالي من النقط السوداء وخاصة الانف غادي يبان لك الابيض وجميل

وهاذ الحمام مرة في كل 15 يوم باش ما يتراكموش النقط السوداء