هادي هي تقاليد ديالي في عيد نبوي … جبت لكم شهوة بسطيلة كوكطيل كيحماق عليها راجلي

المقادير و الطريقة:
في طنجرة كنوضعو 6 فخاذ ديال الدجاج مع 2 معالق كبار عطرية ديال الدجاج المقلي و لي متوفرة في الأسواق حاليا عند المحلات الخاصة ببيع لوازم الحلويات..و نضيفو 1 لتر إلا ربع ماء…نقفلو عليهم حتى ينضجو و نحلو عليهم و نخليوهم يتشحرو حتى يتشرب الماء
في كاسرونة كنوضعو الماء حتى يغلى مزيان ونضيفو ليه الملح و 500غ بروكولي مفرتت وريدات و نخلويه في الماء مدة 5 دقائق…و نكررو نفس العملية ل 500غ جلبانة….و نفس العملية كذلك ل500غ شوفلور مغسول بالطبع و مفرتت وريدات صغار…و من بعد نسقطرو كل خضرة بوحدها و نخلويهم على جنب
في مقلاة كنوضعو ربع كأس شاي (عنبة) زيت المائدة و نشحرو فيها 500غ خيزو محكوك غليض…نضيفو ليه علبة نبات الصوجا.. POUSSES DE SOJA ..علبة من حجم صغير الذرة و حفنة ديال الفطر مقطع شرائح…و نضيفو معلقة كبيرة عامرة عطرية الحوت..1/2 معلقة كبيرة إبزار…معلقة صغيرة ملح…500غ ڭرعة خضرة (كورجيط) مقطعة على الطول…500غ كروڤيط (لحم)…القليل من الهريسة….و نشحرو الكل….و من بعد نصفيو الزيت لي شحرنا فيها هاد المكونات و نشحر فيها 1/4 قطعة المكور مقطع شرائح على الطول غير يتصهد و ينزل…نزولو و نضيفو للمكونات السابقة…و في نفس الزيت نشحر فلفلة حمراء مقطعة مكعبات صغيرة…نضيف علبة فطر أسود مرطب من قبل في لاء ساخن…مسقطر و مقطع…نخلطو المكونات كلها و نضيفو لها قطع الدجاج لي غنكونو زولنا ليه العضم و فرتتناه…نصححو الذوق…
ناخدو الورقة د البسطيلة و ناخدو زلافة ضغيرة نوضعو فيها 3 معالق كبار صلصة الصوجا و نبقاو نرشو بيها الورقة ديالنا ندهنوها بالزيت لي تبقى لينا من الخضر و المكونات لي شحرنا من قبل…نشكلو البسطيلة ديالنا نسدوها بالبيض….نتقبها (باش ما طرطقش أثناء الطبخ) و ندخلها للفرن و بالصحة و الراحة