تصدر الفنان تامر حسني وابنته تاليا حديث مواقع التواصل الاجتماعي المختلفة وذلك بعدما روي نجم الجيل موقف طريف جمعه بابنته تاليا، التي أعلنت عن رغبتها في أن تكون مديرة أعماله وتتولى جميع زمام أموره.
ونشر تامر حسني فيديو على حسابه الرسمي بموقع تبادل الصورة والفيديوهات انستجرام ورصده موقع تحيا مصر: قصة الڤيديو … اللي جنبي هو استاذ عمرو مخرج الحفله صاحبي و كنا في كلية اعلام مع بعض و فرحت اوي لما شوفته يومها بيخرج حدث مهم كده …. اما حبيبة قلبي تاليه جاتلي من اول اليوم قالتلي انا النهارده مديرة اعمالك و هتسمع كلامي في كل حاجه قولتلها حاضر بس الشغل مفيهوش هزار ركزي في كل التفاصيل قالتلي حاضر.
وتابع تامر حسني حديثه، قائلا: طلعتلي البدله اللي عجباها و جزمه ضيقه عليا بس هي صممت عليها و انا قولت حاضر و اختارتلي الاغاني و رتبتهم و ماشيه جانبي بقى عامله وش الجد و مش بتهزر قال يعني كده مديره لحد ما اتكسفت كده و الطفله اللي جواها اللي بموت فيها ظهرت في الضحكه ربنا يحفظك يا حبيبتي و يحفظ كل ولادنا.