بطريقة المغربية الأصلية جبت لكم الخليع ماتشبعيش منو لذيذ بزاف

المكونات :
5 كلغ لحم مقطع بحال الكديد ولكن يكون غليظ شوية ، 125 غ ثومة مطحونة ، 3 مع ك كامون ، علبة ملح .
الطريقة :
نخلطو كل المكونات ونترك اللحم مرقد ليلة كاملة ، ثم نزيدو ليه كأس كبير من الزيت البلدية ونشروه حتى ينشف ولكن ماشي بزاف ، ثم نقطعوه طريفات القياس اللي بغينا ونغسلوه جيدا من الملح .
نأخذ طنجرة ونوضعوا فيها اللحم والماء القياس اللي غادي يطيب فيه ويبقى شوية شاد باش مايتفرتتش ، من بعد نصفيه من الماء جيدا .
نحكو شحمة الكلاوي في الحكاكة الرقيقة ونحطها في كوكوط مع اللحم وكأس كبير ديال الماء و 2مع ك كامون و 2 مع ك قزبر ومعدنوس ونخليوه يطيب مزيان ومن الأفضل على المجمر .
نأخذ طرف من زيف حياتي ونغطسه في الخليع ونشعلو فيه العافية ، الا شعلات مزيان راه مابقاش فيه الماء ، والا دار الفشاش خاصو مزال يطيب .
فاش نتأكد مابقاش الماء نرجعوه فوق العافية مهيلة أو المجمر ونبقاو نحركو بملعقة خشبية حتى يعطينا أكريش ، ثم نزيدو ليه نصف لتر زيت بلدية ونتركه حتى يبرد و نضعه في قارورات معقمة .
بالصحة و الراحة.