بيتزا بالكلمار و هبرة سمك الصنور بالصور
بيتزا بالكلمار و هبرة سمك الصنور بالصور
يتزا بلكلمار
موضوع ام دعاء
بالنسبة للعجين نحتاج كاس ونص عنبة فورص معلقة صغيرة موطارد معلقة صغيرة زبدة شوية تحميرة شوية ملح شوية ابزار القليل من الزعتر محكوك معلقة كبيرة نيدو 2 معالق كبار زيت لعود نص معيلقة صغيرة سنيدة شوية خميرة معجونة مذوبة فشوية الماء دافي نعجين الكل بالماء دافي
دلك العجين مزيان حتى نحصلو على عجينة رطبة ندهنها بشوية زيت لعود نلفها فلبلاستيك الغذائي نخليها ترتاح مزيان حتى يتضاعف حجمها
بالنسبة للحشو : نشلظو بصلة نوضعوها فمقلاة فوق النار مع وريقات موسى شوية زيت لعود نغطي عليها حتى تذبال نضيف ليها قطع لكلمار و هبرة سمك الصنور ربيع مقطع شوية ملح ابزار
نحرك الكل ثم نضيف لفلفلة مقطعة مربعات نغطي عليهم حتى يطيبو
بالنسبة لاصوص طوماط نحكو 2 مطيشات نصفيوهم من زريعة نوضعوهم فكاسرول او مقلاة نضيف ليهم معيلقة مطيشة لحك شوية زعتر محكوك شوية ملح ابزار راس معلقة صغيرة سنيدة شوية زيت لعود نغطي على لكل
مين تعقاد لاصوص نضيف ليها معلقة كبيرة صلصلة لكيتشوب نخلط لكل
مين تخمر العجين ننقص منها شوية نحتافظو بيه على جنب او المتبقي نطلقوه بين 2 بلاستيكات
ندهن لمول بالزبدة نرشه بالدقيق نضع فيه العجين بلبلاستيك باش تسهال علينا عملية تغليف العجين للمول
من بعد نزولوه نتك العجين بلفورشيط
ندهن العجين بصوص الطماطم بلا منوصلو الجوانب
نوضعو فوقها الحشو ثم نحك فوق الخليط لفروماج احمر ثم لكاشير ثم قطع الزيتون اخضر اسود
او نبداو نوضعو فوق الحشو شرائط بالطول ثم بالعرض نزيل الزائد فالجوانب من العجين بلموس
ندخلها لفرن مين طيب نحك فوقها لفروماج نوليو نرجعوها لفران غي يذوب لفروماج نخرجوها وتقدم
بيتزا بالكلمار و هبرة سمك الصنور بالصور