آيس كريم بالشهدية لذيذ و بسيط بالصور

آيس كريم بالشهدية لذيذ و بسيط بالصور
المقادير:
نص كيلو شهدية.
2 حبات خيزو صغار أو وحدة كبيرة مسلوق نص سلقة ومقطر ( ستعملت خيزو مجمد هو لي كان موجود عندي)
100 ملل كريم فريش.
1 بيرلي طبيعي أو محلى أو أي ياغورت حسب المتوفر عندكم. ( من الأحسن يكون طبيعي أو بنكهة الخوخ أو فانيل)
3 معالق سنيدة ( حلاوة حسب الذوق)
عصير نص حامضة ( نسيت مصورتوش)

الطريقة:

الطريقة:

نقشر الشهدية ونقطعها طريفات. نكب عليها عصير نص حامضة ( باش متأكسدش وتحافظ على لونها). و نزيد خيزو وسنيدة.

نطحن الكل مزيان.

ثم نزيد ياغورت و كريم فريش و نعاود نخلط.
ندير الخليط فبواطة و ندخلوه للمجمد أو فريكو على الأقل 5 ساعات.

وها هو واجد بالصحة و الراحة.
نعاود نقاد وجه الآيس كريم و نرجعو للمجمد.

نتمنى هاد الوصفة تعجبكم و تفيدكم خصوصا أنها سهلة و إقتصادية فمتناول الجميع وتطيح رخيصة بزاف .