تحضير فطائر على شكل بريوات بالبطاطا والموتزريلا كيجيو رائعين و بنان بالصور
تحضير فطائر على شكل بريوات بالبطاطا والموتزريلا كيجيو رائعين و بنان بالصور
المقادير :
العجينة:
- غنحتاجو لدقيق فالحقيقة ماعبرتش
- دانون مسوس
- معلقة زبدة طرية
- بيضة
- خميرة فورية
- ملح
- شويش سنيدة
- شوي سودانية
- شوي زعتر مطحون
نعجنوها مزيان ونخلوها ترتاح.
الحشوة:
- بصلة مشلظة
- ،زوج بطاطات
- زيت
- ملح
- ابزار
- كركم
- شوي ربيع مقطع رقيق نسيت ما درتو
- ،سودانية حسب الدوق،
- بيضة
- ،فرماج الموتزريلا.
طريقة تحضير:
فمقلاة نوضعو البصلة لي شلضناها رقيقة تشحر فالزيت والزبدة والملح والابزار حتى تدبال ونضيفو بطاطا
محكوكة فالحكاكة الغليضة بلامانصلقوها والتوابل كلها ونحرك مزيان تا طيب ونطفي عليها ونزيد الربيع وبيضة
ونخلط مزيان ونخليها تبرد.
نسرحو العجينة نقطعوها على شكل مستطيلات نوضعوها فالقطاعة ونوضعو شوي من الحشوة وهاد القطاعات
موجودين ويلا ملقيتيهاش تقدري تجمعيها و تقطعيها بالجرارة او السكين
وفوق منها الموتزريلا
ونسد القطاعة،ونستف فلاطة دالفران مدهونة بالزيت ، تا نكمل وندهنهم بالبيض مخلط مع قطرة ديال الخل وندردر فوقهم السانوج
وندخلوهم للفران بالصحة والعافية.