موقع اناقة مغربية وشهيوات و وصفات حلويات المغربية للمرأة المغربية الحادكة
loading...

سندويشات الفلافل

سندويشات الفلافل
نصف كيلو حمص مرقد ليلة كاملة فالماء ومستقطر مزيان
بصيلة صغيرة مقطعة
3 دريسات توم
شوية القزبر

ناخد الخلاط الكهربائي ونعمل البصل والحمص والتوم والقزبر ونطحنهم مزياااان

نزيد معلقة كمون ابزار ملح

نخلط الكل مزيان بحال الا تنعجنوا

نعمل كويرات على شكل معلقة راه دغيا تتاخد الشكل تاعها

نعمل الزيت يسخن مزياااان ونبدى نقلي فالفلافل

هنا غنوجد لاصوص لي تتمشي معاهم

كاس زيت كاس حليب ملح ابزار دريس توم وشوية المعدنوس

تنعمل الحليب والتوم والملح والابزار ونضور الخلاط نخدمهم مزياااااااان من بعد نضيف الزيت تدريجيا والخلاط خدااام حتى نحصل على لاصوص يااما خاترة او خفيفة المهم حسب الرغبة ملي توجد نزيد المعدنوس ونضور غي شوية تخدم الماكينة وصااافي نحتافض بيها

نوجد الحشوة ديالي لي تتمشي مع الفلافل

شوية ليشو او مايسمى بالكرم مقطع رقيق
مطيشة مقطعة رقيقة
وبالطبع لاصوص لي وجدت من قبل والفلافل والخبز العربي او البطبوووط ديالنا غي هو خصوا يكون رقيق بزززاف انا هنا استاعنت غي بالخبز العربي اختكم الوقت تيجري وممساعدنيش
نسرح الخبز نعمل شوية ليشو

نزيد مطيشة

والفلافل ولاصوص

نطويهم وندخلهم غي شوية لالة البانيني يتحمروا

نتمنى تجربوهم ويعجبوكم كيف عجبوا وليداتي

لالة مولاتي 1

لالة مولاتي 2

loading...