تحضير كيكة بالبسكوي و التفاح

 تحضير كيكة بالبسكوي و التفاح
المقادير و الطريقة :
في الميكسور نديرو 4 بيضات نزيدو عليهم نصف كاس سنيدة وكاس الا ربع زيت وديما الميكسور خدام

نزيدو كاس دانون فاني وساشي ديال كاكاو

في الاخير نزيدو 2 باكيات بسكوي هرنيس و2 خمارت الحلوة ودائما الخلاط خدام حتى يمتزج الخليط مزيان نكبوه في مول الكيك

نستفو فوقها طريفات التفاح لقطعنا ودوزناهم في الحامض

نخلطو 2معالق كبار سنيدة ومعلقة صغيرة القرفة ونرشو بيها الكيكة من الفوق

ندخلوها تطيب وقبل متحمر من الفوق نزيدو نرشوها بخليط سنيدة والقرفة ونرجعوها تتحمر

وبالصحة والراحة.