بيني بالشكلاط و رقائق اللوز بالمراحل المصورة
بيني بالشكلاط و رقائق اللوز بالمراحل المصورة
المقادير
420 غرام طحين
2 بيضات
90 مليلتر زيت
100 مليلتر حليب
4 معالق كبار سكر
1 خميرة الحلوة
2 خنيشات فاني أولا فانيلا سائلة
أو قشرة الليمون أولا الحامض محكوكة
هذه المقادير تكفي لعمل 25 بيني تقريبا
للتزيين :
رقائق اللوز
شكلاط
طريقة التحضير :
كنخلطو فجبانة البيض و الحليب و الزيت و الفاني و السكر
و نطربو بالطراب وملي يتخلط كلشي مزيان نكونو خلطنا الخميرة مع الطحين
ونبداو نزيدو فيهم بشوية بشوية وحنا كنجمعو فيها
وندلكوها لمدة 5 دقايق او اقل وغتكون تتلصق شوية نجمعو العجينة
و نحطوها فوق سطح مرشوش مزيان بالطحين ونسرحوها بالدلاك
ويكون السمك ديالها تقريبا 1 سنتيمتر ويقدر حتى قل
وليني من الاحسن تكون غليضة باش يجيك البيني مفشفش
ناخدو كاس يكون القطر ديالو مابين 7 و 8 سنتيمتر نقطعو بيه
وبغلاقة ديال قرعة نقطعو فالوسط
ونبقاو بحال هاكا حتى نكملو الكمية كاملة
ونسخنو الزيت مزيان ونديرو فيه البيني ديالنا يتقلى من جوايه بجوج
ونزينوه بالشكلاط ونزينوه برقائق اللوز
ممكن ديري أي نوع ديال الشكلاط أولا ممكن ديري حتى دانيت
وهاهو بيني بالشكلاط و رقائق اللوز