موقع اناقة مغربية وشهيوات و وصفات حلويات المغربية للمرأة المغربية الحادكة

تحضير رايب ديال الدار بطريقة ناجحة وسهلة


تحضير رايب ديال الدار بطريقة ناجحة وسهلة
المقادير:

  • لتر من الحليب
  • 1 ياغورت  فاني
  • 1 ساشي فاني
  • 1 ساشي حليب غبرة او مايعادل 3 معالق كبار عامرين
  • 4 او 5 معالق كبار سنيدة على حساب لي تيبغي الحلاوة

الطريقة:
تنديرو نصف لتر من الحليب باش يغلى وتانخدو النصف لتر الاخر تنخلطوه مع جميع المقادير الاخرى تنخلطوهم بجوج وتنكبهوم في كيسان التقديم

تناخدو كوكوت كبيرة تنديرو فيها ماء مغلي حسب طول الكيسان لي عندنا

تنحطو الكيسان ديالنا بالمهل وتنغلقو على الكوكوت وتنديرو ليها الصفارة ديالها

وبما ان الحال بارد تنحطو الكوكوت ديالنا في مكان دافئ وتنغطوها بشي مانطا صغيرة

تنخلوها لمدة 12ساعة او اكثر كلما كان الوقت اكثر كلما كان ياغورت ديالنا اعقد واطيب

تنحطو ياغورت في الثلاجة الى حين التقديم وكنزينوه بالي بغينا سواء فواكه اوسيرو حسب الدوق.

C

D

E

F

G

قد يعجبك ايضا
اترك تعليقا