طريقة تقديم سفة الكسكس في المول

طريقة تقديم سفة الكسكس في المول

أخد قطع من اللحم لغنمي 3 أو 4 كيلو نحضر هذه لكمية شي عراضة .ممكن ننقص كمية اللحم على حسب أفراد لأسرة .نضعها في إناء للطبخ نصب كاس لماء نضع لملح +لبزارمعلقة صغيرة+سكنجبير+معلقة كبيرة عطرية لمروزية +2 ضامات زعفران لحر+معلقة كبيرة الثومة محكوكة نصف معلقة هيل مطحون(قعقلة).معلقة صغيرة قرفة .

نشرمل لكل مع اللحم نصع الطنجر ة فوق النا ر .+2 بصلات مقطعين رقاق إيكونو كبار.+لماء لكافي +2 معالق كبار زبدة +كاس صغير زيت +معلقة صغيرة سمن.

نغطي لكل نتركهم إيطيبو .عند مرور نصف ساعة +3 معالق كبار ساندة مع معلقة كبيرة لعسل +شوية زعفران لحرن نقلب اللحم نترك لكل إيطيبو. ثم نحضر.

السفة: نأخد نصف كيلو لكسكسو رقيقة +2 معالق زيت نخلطهم مع لكسكسوثم +له كاس لماء نخلط لكل حثي تشرب .نضعه في لكسكاس إفور.نتركها تفو ر مزيان.

ثم نصبها في لقصعة نرشها بالحليب مع لملح ولماء نخلط مزيان نرجعه إفورولكن إكون شرب لماء ديالو.نترك إفور مرة تانية…نصبه في لقصرية +معلقة كبيرة زبدة ونخلط ثم+لحليب خضر مع لماء نرشه مزيان قلبوه مرة مرة نتركه في لقصرية يتشرب من بعد+له 2 أو3 معالق كبار السكار ساندة مع عويدات لقرفة حينت من بعد غدي نزولهم .نترك لفورة الثالثة حثى نكنو طيبنا اللحم.

نرجع للحم نقلبوه إلى طاب نزولوه نضعه في لبلا ديال لفران نغطوه نتركه حثى تنشف الدغميرة وتعسل نصبها على اللحم ندخلها لفرن منقوص نقلب اللحم مرة مرة حثي يصبح اللون محمرنطفو لفرن نغطو عليه.

نأخد مقدار من لبرقوق ولمشماش نضعهم في إناء مع مقدار من لماء +شوية السكار +عواد قرفة+معلقة كبيرة من زبدة نتركهم حثى يتعسلو .نخلوهم يبردو نقطعهم ونخلطهم مع لكسكس في وقت التقديم مع شوية اللوز محمر ومهرمش.

نرجع للكسكس نفوروه لمرة الثالثة نصبه في إناء+له قطعة من زبدة نحل بها لكسكس من بعد+لبرقوق مقطع ولمشماش وشوية اللوز وزبيب معسل نخلط لكل.

عند التقديم :نأخد مول لعجيب لمحفر في لجوانب . ونأخد لكسكس سخون ونعمروه في لجوانب الدائرية ديالو ونضغط قليل على لكسكس نكونوداهنين لمول من قبل . نأخد إناء التقديم ونضعه على وجه لمول ونقلبو ثم نضع قطع اللحم في لوسط نزينه حسب الرغبة .ممكن تعويض لكسكس بالروز.بالصحة.