كيكة الشكلاط المسقية سهلة و اقتصادية بالصور

On ديسمبر 9, 2015

المقادير (كيكة الشكلاط المسقية)
– 2 بيضات كبار أو 3 صغار
– كاس زيت
– كاس حليب
– كاس قل ربع(لي تيبغي الحلاوة يزيد)
– 4 معالق كبار كاكاو (ممكن اقل أم أكثر حسب الرغبة)
– كاس وربع دقيق
– خمارة
– رشة ملح
– فاني

طريقة تحضير (كيكة الشكلاط المسقية)
1. في الخلاط الكهربائي نعملو الحليب مع السنيدة مع فاني و زيت و كاكاو ونطحنوهم مزيان حتى يولي بحال شي كرييم ثقيل شوية

2. من بعد تنقصو كاس من الخليط لي خلطنا في الخلاط الكهربائي والباقي تنزيدو عليه البيض ونخلطوه شوية

3. ثم نبداو نضيفو في الدقيق لي خلطناه مع الخمارة شوية بشوية وحنا مخدمين الخلاط حتى نكمل

4. ونفرغو الخليط في مول مذهون بالزبدة ومرشوش بالدقيق وندخلوها لفرن مسخن من قبل على 180 درجة
5. منين تطييب تقريبا 30 دقييقة ولا على حسب كل فرن تنخليوها تبرد شوية عاد نقلبوها

6. وندهنوا بكاس من الخليط لي نقصنا في الاول ونزينوها كيف بغينا ونخليوها تبرد مزيان

7. الشكل النهائي لكيكة الشكلاط المسقية وبالصحة و الراحة