مملحات عاشوراء بالصور

مملحات عاشوراء بالصور
وصفة الاخت نعيمة ام عصام

العجينة الاساسيةفيها
نصف لتر حليب دافئ
250غرام زبدة (انا درت ليليا)
كاس زيت
ياغورت طبيعي
2معالق سنيدة
ملح
8 فرماجات
2خمارات
المنسمات:
الزعتر مطحون
حك ماطيشة مع الهريسة و ضامة الزعفران
بصلة غبرة مع فروماج احمر محكوك
زيتون اسود مطحون مع معلقة زيت بلدية
الزنجلان ابيض و البافو للتزيين
كنعجنو العناصر الاساسية كلها و كانديرو شوية الطحين حتئ تجمع العجينة شويةثم ناخدو اناءات و نقسمو ديك العجينة علئ حسب المنسمات مثلا كاناخد الشكل الاول درت فيه الزعتر و زدت 2 كيري و درت منو حريبللت صغار و دخلتهم فران 10 دقايق و قطعتو فقاص صغير و عاودت دخلتو الفران و نفس العجينة درت منها مربع و دهنتو بابيض البيض و دردرت عليه الزنجلان الابيض و دخلتو الفران يطيب و النوع الثاني زدت فيه الهريسة و ماطيشة الحك و ضامة الزعفران و درت منو فقاص بحال الاول و مثلث بالبافو و النوع الثالت درت ليه البصلة غبرة و دلكت العجينة و دردرت الفروماج و غطيتها بعجينة اخري و قطعتو بحال باكيط صغار و ديال الزيتون سرحت العجينة تكون منسمة غير بالموطارد و دهنتها بالزيتون مطحون و لويتو بحال الشنيك و دهنتو بابيض البيض و دوزتو فالبافو و خليتو فالفريكو ساعة و قطعتو دوائر و دخلتو الفران طاب و بالصحة و الراحة نتمنئ تكونو فهمتو الطريقة