الدجاج محمر و معسل بالمشماش بطريقتي

الدجاج محمر و معسل بالمشماش بطريقتي
الدجاج محمر كلها و طريقتو وانا ها طريقتي.تيجي لديييييد (شكون شكار العروسة ههههه)
المهم كنحتاجو 2 دجاجات مطيبزات 2.5كل او اكتر+ القزبر و المعدنوس مقطعين + 6 ضروس التومة مطحونين (انا ديما تندير 3 للدجاجة)+ شوي زيت البلدية و الرومية (تقريبا نص ك منهم بجوج)+ الملح البزار سكين جبير الخرقوم التصفيرة الزعفران الحر 1 ضويمة الزعفران عطرية المروزية القرفة عواد (شوي السمن اختياري)
كنخلطو هاد العناصر كلها و نشرملو الدجاج لي مغسول مزيان بالملح و الحامض و مسقطر.ونخليوه على جنب بينما وجدنا العمارة

للعمارة كنديرو كسكسو مفور او الروز مصلوق و نزيدو عليه شوي المشماش مقطع خضر+شوي اللوز مقلي و مهرمش+شوي الزبيب خضر مقطع+م ص الزبدة وم ك السكر كلاصي وشوي القرفة

كنعمرو الدجاجات ونحاولو مندكوهمش باش ما تنفخش العمارة و تخرج.نخيطوهم و نشدو ليهم الرجيلات بميكة.فالكميلة نديروالدجاجات على جنابهم+ العطرية و الربيع لي شاطو فاش عمرناهم ونديرو الما الكافي حتال النص تقريبا و نشعلو البوطة مجهدة تغلى ومرة مرة نقلبوهم على جنابهم بجوج عاد نزيدو الزيت و واحد البصلة كبيرة مشلضة ونحولوهم على سدرهم و نخليوهم يطيبو مزيان و ما نساوش ساعة ساعة نتقبوهم بالفرشيط من الفخاض و السدر. و فهاد الاتناء ناخدو 3 البصلات كبار نشلضوهم

ملي يطيبو نحيدوهم من الكميلة

نرميو البصلة و نخليوها طيب مزيان حتى تقرب توكح و نزيدو عليها م ك سكر كلاصي باش تعسل حنت غادي نخضرو بالمشماش و اللوز (كن كان مخضر بالزيتون مانديروهاش و نديرو فالاول مع العطرية لب الحامض مصير) ما نطفيو عليها حتى تعسل و توكح من الما

كنحيدو للدجاج الميكة باش حزمنا الرجيلات و ندهنه بالزبدة و العسل (هههه البغرير).لا را فعلا كيجي معسل ومحمر و كيبري

نحمروه فالفران و نقدموه بالمشماش و اللوز (حضيو معاه لا يتحرق حنت مدهون بالعسل)