لازانيا من مطبخي
لازانيا من مطبخي
بالنسبة للمقادير:
أولا:اللازان
انا درت 9 من ورقات اللازان(على حساب المول)
حيت ابغيت ثلاتة الطبقات ديال اللازان
شويةالملح و شوية الزيت و الماء الكافي للسلق
ثانيا:لاصوص مطيشة بالكفتة
بصلة مشلظة*1/2 كيلو مطيشة*معلقة مركز الطماطم
شوية الزعتر*2 وريقات سيدنا موسى*شوية الثومة محكوكة
معلقة سنيدة*الزيت العادية*الزيت البلدية*
الملح*الابزار*التحميرة
ثالثا:لاصوص بيشاميل
2معالق كبار الزبدة*2معاق كبار الدقيق*1/2لتر حليب
الملح*الابزار*شوية الكوزة
طريقة التحضير:
اللازان كانديروهوم يتسلقو مع الملح و الزيت و كانحاولو نبقاو نفرقو بيناتهم اثناء الطهي باش ما يتلاصقوش
ملي تايطيبو كانزولو وحدة تلو الاخرى و كانوضعوهم فوق منديل ناشف حتى نحتاجو ليهم.
لاصوص مطيشة بالكفتة
في مقلة نديرو البصلة تشحر مع الزيت…
حتى تذبال و تولي شفافة…
نضيف المطيشة محكوكة و معلقة مركز الطماطم…
ثم الزعتر محكوك و ورقة موسى و الزيت البلدية و سنيدة و التحميرة و الملح و الابزار
ثم نضيف الكفتة ونبقى نحركها حتى تفرتت…
لاصوص بيشاميل
في كاسرونةفوق النار نذوبو الزبدة…
نزيدو الدقيق …
نبقاو نحركو
ثم نضيف الحليب…و شوية الكوزة محكوكة و الملح و الابزار…
في مول كاندهنو شوية البيشاميل…
كانسرحو اوراق اللازان…
نضيف لاصوص ديال مطيشة و الكفتة…
ثم لاصوص بيشاميل ثم اوراق اللازان…
و نكرر نفس العملية مرة اخرى ثم نغطي بطبقة اخيرة ديال اللازان و نكبو فوقها لاصوص بيشاميل و نرشو الفرماج محكوك…و ندخلها للفرن