بسطيلة مالحة بدجاج

بسطيلة مالحة بدجاج
هده بسطيلة مالحة بدجاج كتشهي

نحتاج 2 دجاجات شعرية صنية 8 بيضات فرماج 2 طون بصل معدنوس ثوم كنور دجاج ملح ابزار سكنجبير خرقوم
صلصة صوجا
زبدة ورقة بسطيلة

دجاج طيبتو مثل المرق بصل ثوم معدنوس ابزار سكنجبير خرقوم زيت وفي الاخير اضفت له صلصة صوجا وصلصة حارة حامض مصيير وخص تفرشيها ليها لما طيب

هده 2 بصل كبيرة مقطعة معها معدنوس ابزار ملح سكنجبير خرقوم
ولما تقلى نضيف لها شوية مرق دجاج ونخليها تطيب حتى تشحر

هدا دجاج زولتو من مرق

وهاهي المرق نرجعها تتشحر

لما تشحر نفرغ فيها بيض وحدة مرة وحدة حتى يتعقد المرق ونخليه ينشف

شعرية صنية فرغت عليها ماء طايب

دجاج نقيتو من العظام وجلدة وفرتتو

هنا قطعت شعرية صنية وخلطها مع دجاج واضفت لها فرماج محكوك وصلصة صوجا وصلصة حارة وطريفات صغار حامض مصيير

ندوبو زبدة ونضربو 2 بيضات في زلافة لدهن الورقة

هنا خديت طوى الفران دهنتها بالزبدة فرشت 4 ورقات في جنب وعملت واحدة في وسط عملت نصف حشو دجاج فوق منه بصل

عاد عملت خليط البيض

عاد عملت خليط باقي دجاج مع شعرية وعملت عليه طون مفرتت عليه

وعملت فرماج محكوك

وجمعت جناب البسطيلة مزيان بالزبدة والبيض وعملت عليها ورقة بسطيلة من الفوق ودهنتها بالزبدة ثم البيض ودخلتها الفرن سخون شاعل التحت ونار هادئة عاد نطلعها الفوق

ما ضحكو عليا نسيت ما صورتها لما طابت ههههههههههه
عملتها في طبسيل فرشت لها خص وزوقتها من الفوق بالحامض مصيير
ولا اخبركم بمداقها رائع