ديسير بالأرز والكراميل منعش بالصور
كيفية تحضير ديسير بالأرز والكراميل
هاد النوع من الديسير يجي رائع
المقادير :
120g أرز أبيض
لتر حليب
100g سكر
فاني
لوز محمر ومهرمش أو أي نوع من المكسرات
صوص الكراميل كراميل
كيفية تحضير صوص الكراميل:
نحتاجو
120g سكر
100ml كريم فريش سائل
40g زبدة
الطريقة تحضير صوص الكراميل
نعمل السكر فوق النار حتى يولي لونو ذهبي أو بني فاتح منخلوهش يتحرق باش ما يعطيناش نسمة مرة المهم غي يدوب السكر نضيف عليه الكريم السائل مرة وحدة ونخلط واحد 3 دقايق دائما فوق النار من بعد نزولو من على النار ونضيف الزبدة ونخلط حتى دوب وهانا حصلنا على صوص كراميل
الطريقة:
نأخد الحليب نعمله فوق النار ممكن نقصو كأس حليب ونعوضوه بالكريم فريش سائل يجي زوين أنا عملت غي الحليب المهم نزيد السكر والفاني ونضيف الأرز ونقصو النار ونخليوه ما بين 45 و-50 دقيقة وكل مرة نحرك باش ما لصقش حتى يطيب ويشرب الحليب كامل نخليوه يبرد نعمل في كأس شوية كراميل وفوقو الأرز ثم شوية كراميل ونعمل اللوز مهرمش ونغطي بطبقة من الأرز ونزين بقليل من اللوز والكراميل ندخلو للتلاجة واحد الساعة ويقدم بارد بالصحة والراحة
