حلوة الفورشيط

حلوة الفورشيط

125غ زبدة أو مركرين (أنا استعملت مركرين المائدة)
1 خمارة
1 كاس زيت
كاس سنيدة
بيضة (أو 2 إلا بقات ليك العجينة مفرتتة شوية)
قشرة حامضة أو ليمونة (أو شوية منهوم بزوج)
الدقيق حسب الخليط

بحال العادة كنخلطو الزبدة و السنيدة مزيان حتى نحصلو على كريمة (ما نساوش نضيفو قبيصة دالملح)، كنضيفو البيضة و نخلطو من بعد القشرة دالحامض و الزيت، كنخلطو مزيان ثم فالأخير الدقيق مغربل مع الخمارة.

كنشكلو كويرات و نبركو بالفورشيط، أو كنشكلو كويرة ثم نحربلوها شوية عاد نبركو عليها بالفورشيط باش تجي طويلة شوية.

كطيب في فن متوسط الحرارة، و فاش يلاه تخرج تكايسي و نتي كتهزيها يت هشية بزاف. فاش تبرد زينيها بالشكلاط و الكوك، أو المربى دالفريز و الكوك…. أنت و ذوقك
كنتمناو تجربوها