وردات بالتون والفلفلة رائعيين بالصور

قوارب ووردات ديال التون والفلفلة خضرا وحمرا مشحرين
هادو ان شاء الله 2 اشكال بعجينة واحدة ونفس الحشوة
العجينة نفسها عجينة السوشون بالتون ممكن تزيدي عليها ملعقة صغية السكر او ممكن تستبدليها بعجينة العشر دقايق
الحشوة بصلة وفلفل احمر واخضر مشحرين ف ملعقة الزيت وملح وابزار وكمون ورشة سكنجبير كنضيف عليهم ملعقة مطيشة مركزة ونضيف التون الي بغيت عيني ميزاني ممكن شوية الهريسة على حسب دوقك
ملي نعمل الحشوة ف العجينة نرش شوية زعتر محكوك وممكن شوية الجبن من فوق
ملي نعمرو العجين نخليوها رباع ساعة وندهنوها بالبيض

بالنسبة للقوارب غادي نقطعهم بكاس مدور او مرشم وغادي نعملو الحشوة ونتني الجناب

بالنسبة للوردات غادي نقطعم مدورين ونرشم بالموس من جناب على طول الداءرة ولكن ما نوصبش للوسط نتكي بصبعي على وسط الداءرة ونعمل الخشوة